२०७४ को अन्तिम दिन १२७७ विन्दुमा परिसूचक, तेस्रो वित्तीय विवरणको पर्खाइमा लगानीकर्ता

वि.स. २०७४ को अन्त्यमा शेयर बजार १ हजार २ सय ७७ दशमलव ५५ विन्दुमा पुगेर टुङ्गिएको छ । उतारचढावसँगै ओरालो लागेको शेयर बजार अघिल्लो वर्षको अन्तिम दिनको तुलनामा २४ दशमलव ७२ प्रतिशतले घटेको हो । दुई सातादेखि बजार केही सुधारिएको छ । गत साताको कारोबारमा परिसूचक भने २७ दशमलव १६ अङ्क बढेको थियो । तर, साताको पहिलो दुई दिन करीब १ अर्ब पुग्न लागेको कारोबार रकममा पछिल्लो समय केही ओरालो लागेको छ । विश्लेषकहरुको अनुसार लगानीकर्ताहरु पर्ख र हेरको अवस्थामा छन् । लगानीकर्ताहरु तेस्रो वित्तीय विवरणको पर्खाइमा रहेको छन् । सो साता लगानीकर्ताहरुले शेयर बजारबाट रू. ३५ अर्ब २८ करोड सम्पत्ति बढेको छ । त्यस्तै, कारोबार रकम करीब ६० प्रतिशत बढेको थियो ।

साताको परिसूचक हेर्दा आगामी दिनमा बजार बढेमा पहिलो प्रतिरोधात्मक विन्दु १ हजार ३ सय १३ रहेको छ भने दोश्रो विन्दु १ हजार ३ सय ४८ रहेको छ । त्यस्तै, बजार घटेमा पहिलो टेवा विन्दु १ हजार २ सय ४६ र दोश्रो टेवा विन्दु १ हजार २ सय १५ मा पाउने देखिन्छ । साताको मैनबत्ती चित्र हेर्दा अन्तिम दिनको सामान्य डोजी बनेको छ । प्राविधिक विश्लेषण अनुसार एक साताको समग्र बजार हेर्दा आगामी दिनमा बजारले टेवा पाएर परिसूचक बढ्ने सङ्केत गर्दछ । सो साताको अन्तिम दिन नेप्सेको १४ दिने रिलेटिभ स्ट्रेन्थ इण्डेक्स न्यूट्रल जोन अथवा ५२ दशमलव ११ स्केलमा रहेको छ । यसले बजारमा शेयरको खरीद विक्री चाप सन्तुलनमा रहेको देखाउँछ ।

अघिल्लो साताको अन्तिम दिन १ हजार २ सय ५० दशमलव ३९ विन्दुमा बन्द भएको नेप्से परिसूचक गत साताको अन्तिम व्यापार दिन बढेर १ हजार २ सय ७७ दशमलव ५५ विन्दुमा पुगेको हो । तर, गत साताको पहिलो व्यापार दिनको तुलनामा अन्तिम दिन भने नेप्से परिसूचक १७ दशमलव १ अङ्कले घटेको हो । सातामा ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पहिलो दिनको तुलनामा अन्तिम दिन २ दशमलव ६४ अङ्कले घटेर २ सय ७२ दशमलव ४५ अङ्क पुगेको छ । त्यसैगरी, फ्लोट इन्डेक्स पहिलो व्यापार दिनको तुलनामा अन्तिम दिन १ दशमलव ३९ अङ्कले घटेर ९२ दशमलव १२ अङ्कमा पुगेको हो ।

गत साता ३६ हजार ७ सय ५ कारोबारबाट १ सय ८३ कम्पनीहरुको ८१ लाख ९८ हजार ९ सय कित्ता शेयरहरु खरीद विक्री भए । जसबाट रू. २ अर्ब ९५ करोड २९ लाख ८९ हजार बराबरका रकम परिचालित भयो । यो रकम अघिल्लो साताको तुलनामा ७३ दशमलव ९३ प्रतिशत कम हो । अघिल्लो साता १ सय ८० कम्पनीहरुको २७ हजार ६ सय ३३ कारोबारबाट ५४ लाख ५० हजार २ सय ६० कित्ता शेयरहरु खरीद विक्री भएका थिए । जसबाट रू. १ अर्ब ६९ करोड ७७ लाख ९२ हजार बराबरको कारोबार भएको थियो ।

सो साता कारोबार रकम र कारोबार भएको शेयर सङ्ख्याको आधारमा बैङ्क अफ काठमाडौं लिमिटेड अग्रस्थानमा रहेको छ । यस कम्पनीले गत साता रू. १२ करोड २९ लाख ४० हजार बराबरको शेयर कारोबार गरेको थियो । त्यस्तै, कारोबार भएको शेयर सङ्ख्याका आधारमा यस कम्पनीले ५ लाख ८० हजार कित्ता शेयर किनबेच गरेको थियो । र कारोबार सङ्ख्याको आधारमा प्रिमियर इन्स्योरेन्स लिमिटेड अग्रस्थानमा रहको छ । यस कम्पनीको कारोबार सङ्ख्याको आधारमा १ हजार ५ सय ४९ ओटा कारोबार भएको थियो ।

गत साताको समूहगत परिसूचक:

 

Source : Abhiyan